ඌව පළාතේ බදුල්ල දිස්ත්‍රිකයේ නුවරඑළියට මායිම්ව
පිහිටි තවත් එක් සුන්දර පරිසරයක් ගැන ඔබ දැනුවත් කිරීමට සිතුවෙමි. වැලිමඩ නගරය පසු
කර නුවරඑළිය දෙසට ගමන් කිරීමේදී හග්ගල මල්වත්තට පහලින් දකුණු පසට හැරුණු පසු මෙම
මනස්කාන්ත පරිසරයට පිවිසෙන මාර්ගය දකින්නට ලැබේ. එහි කි.මී. 6ක් පමණ වාහනයෙන්
පහසුවෙන් ගමන් කල හැකි අතර ඉන්පසු කි.මී. 2ක් පමණ පයින් ගමන් කලයුතුව ඇත. මේ ගමන තරමක් දුෂ්කර වුවද ඉතා අලංකාර පරිසර
පද්ධති දියඇල්ලට යන ගමනේදී ඔබට දැකගත හැකිය. වාහන නවත්වන ස්ථානයෙන් ඔබට අවශ්‍ය ජලය
හා ආහාර ලබාගත යුතු අතර දියඇල්ලට දිවෙන මාර්ගයේ ඔබට කිසිදු කඩයක් දක්නට නොලැබේ.
එමෙන්ම ඔබ ගෙන යන ආහාර බහාලුම්, ඉටි කවර, ප්ලාස්ටික් මේ සුන්දර පරිසරයට එක්
නොකරන්නට වඟ බලාගන්න. එමෙන්ම දියඇල්ල අසල දිය නෑමට යෑම ඉතා අවධානම් වන අතර එසේ
කිරීමෙන් අනතුරු සිදුවිය හැකි ප්‍රවණතාවය ඉතා ඉහලය. ඒ නිසා ප්‍රවේසම ගැන නිතරම වග
බලාගන්න. ඔබත් විවේකයක් ලද විටෙක බෝඹුරු ඇල්ල නැරඹීමට අමතක නොකරන්න.
No comments:
Post a Comment